El aýmaǵynda júrgizilgen «Dármek» operasııasy barysynda 40 medısına qyzmetkeri ákimshilik jaýapkershilikke tartyldy, dep habarlaıdy Egemen.kz.
Bul týraly Ishki ister mınıstrliginiń resmı ókili Nurdildá Oraz málimdedi. 5 kún ishinde 877 nysan, onyń ishinde dárihanalar men qoımalar, emdeý-aldyn alý mekemeleri jáne ónerkásiptik kásiporyndar tekserildi.
Vedomstvo ókiliniń dereginshe, esepke alynǵan preparattardy reseptisiz bosatýdyń 56 faktisi anyqtalyp, 12 tonna prekýrsordyń aınalymy shekteldi. Operasııa barysynda 21 qylmystyq quqyq buzýshylyq anyqtaldy. «Saqtaý talaptary buzylǵan nemese quramynda esirtki bar satylymdaǵy barlyq preparattar aınalymnan alyndy. Atap aıtqanda, 2 myńnan astam esirtki quraldary ampýlasy, 1600-den astam tabletka jáne 1800 psıhotroptyq zattar ampýlasy tárkilendi. Barlyq anyqtalǵan faktiler boıynsha qylmystyq is qozǵaldy», dep málimdedi QR Ishki ister mınıstrliginiń resmı ókili Nurdildá Oraz.