Otandyq aýylsharýashylyq tehnıkalaryn satyp alǵan sharýalarǵa beriletin sýbsıdııanyń kólemi 30%-ǵa deıin ósti. Sýbsıdııaǵa qatysty erejege engizilgen mundaı ózgeris tek Qazaqstanda qurastyrylǵan mashınalar men tehnıka quraldaryna ǵana qatysty bolmaq.
Al shetelden traktor, kombaın, dánsepkish keshen sııaqty qymbat tehnıkalardy satyp alǵan sharýashylyqtarǵa memleket burynǵydaı tehnıka qunynyń 25%-yn qaıtaryp beredi.
– Bul túzetýler ınvestısııalyq sýbsıdııalaý erejelerine engizilip boldy. Aýyl sharýashylyǵy mınıstrligi sýbsıdııalaýǵa jatatyn otandyq tehnıkalar tizbesin bekitip, Qoldau.kz júıesine ornalastyryp qoıdy. Qazaqstanda qurastyrylǵan aýylsharýashylyq tehnıkalaryn satyp alǵysy kelgen fermerler ESQ arqyly osy portalǵa kirip, sýbsıdııaǵa ótinim bere alady, – dedi Qostanaı oblystyq kásipkerler palatasy AShK bóliminiń bastyǵy Qaıyr Aısın.
Sýbsıdııalaý erejelerindegi ózgerister fermerler men dıqandarǵa ǵana emes, sondaı-aq aýyl sharýashylyǵy maqsatyndaǵy tehnıkalardy qurastyratyn jergilikti kásiporyndarǵa da qoldaý kórsetýge baǵyttalǵan. Mashına qurastyratyn zaýyt ókilderiniń sózinshe, elimizde otandyq kombaındar men traktorlar kóptep qurastyrylyp jatqanymen, búgingi tańda sýbsıdııanyń basym bóligi shetelge ketip jatyr. О́ıtkeni shamasy jetken sharýalar otandyq emes, sheteldik tehnıkany satyp alǵysy kelip turady. Al sheteldiń traktordyń quny Qazaqstanda qurastyrylǵan traktordan áldeqaıda qymbat bolǵandyqtan, oǵan otandyq traktorǵa qaraǵanda sýbsıdııa da birneshe ese kóp tólenedi. Oblystyq kásipkerler palatasy ókilderiniń aıtýynsha, otandyq ónimge beriletin ınvestısııalyq sýbsıdııa kóleminiń ulǵaıýy sharýalardyń jergilikti zaýyttan shyqqan tehnıkalarǵa degen qyzyǵýshylyǵyn arttyrady.
Qostanaı oblysy