Búgin, 11 maýsymǵa qaraǵan túni qazaqstandyq aralas jekpe-jek sheberi Arman «Suńqar» Ospanov (11-3) amerıkalyq Professional Fighters League promoýshenindegi birinshi aıqasyn ótkizedi, dep habarlaıdy Egemen.kz Vesti.kz saıtyna silteme jasap.
Atlantık-Sıtı qalasynda ótetin PFL 4 týrnırinde Armannyń qarsylasy Krıs Ýeıd (18-6) bolady. «Long-Aılendten shyqqan baskeser» laqap atty amerıkalyq sportshy 2014 pen 2017 jyldary UFC-de óner kórsetken.
Translıasııanyń bastalýy Qazaqstan astanasynyń ýaqytymen 05:00.
Eske salaıyq, Arman sońǵy ret sharshy alańǵa naýryzda shyǵyp, birinshi raýndta reseılik Rasýl Mırzaevty (18-3) nokaýtqa túsirgen. Ýeıd bolsa sáýirde judyryqtasyp, fransııalyq Entonı Dızıdi (13-4) tóreshiler sheshimimen jegen.