Túrkistan oblysynyń ákimi О́mirzaq Shókeev aýdan ákimderi arasynda aýys-túıis jasap jatyr. Ákimderdiń komandasy jańa esimdermen tolyǵyp jatyr. Solardyń biri Baǵlan Batyrshaevqa búgin Ordabasy aýdanynyń tizgini senip tapsyryldy, dep habarlaıdy Egemen.kz.
Biz biletin Batyrshaev kim? Oblys ákimdiginiń taratqan resmı aqparaty boıynsha Baǵlan Dánebekuly 1976 jyly Ordabasy aýdanynda dúnıege kelgen. M.Áýezov atyndaǵy Ońtústik Qazaqstan memlekettik ýnıversıtetin ınjener-ekonomıst, Qazaq gýmanıtarlyq zań ýnıversıtetin quqyqtaný, Almaty Menedjment ýnıversıtetin iskerlik ákimshilendirý magıstri mamandyǵy boıynsha bitirgen. Eńbek jolyn bank salasynda bastaǵan. 1998-2019 jyldar aralyǵynda «Kazagrooıl» JShS-niń qarjy dırektory, Astana qalasy ákimdiginiń sharýashylyq basqarmasy basshysynyń orynbasary, Astana qalasy ákiminiń kómekshisi, Ońtústik Qazaqstan oblysy ákimi apparaty basshysynyń orynbasary, «Qaztemirtrans» AQ-ń basshysy, Premer - Mınıstri Keńesiniń bas ınspektory, «QazMunaıGaz-Servıs NS» AQ-ń bas dırektory, «Ońtústik» aımaqtyq ınvestısııalyq ortalyǵynyń basqarma tóraǵasy laýazymdarynda eńbek etken. Jańa qyzmetine deıin «Túrkistan oblysy ákimdiginiń is basqarmasy» mekemesiniń basshysy qyzmetin atqarǵan. Bir sózben aıtqanda, ákimdikte, úkimette, ulttyq kompanııalarda, bank sektorynda tájirıbe jınaǵan maman. Ýaqtysynda Ońtústik Qazaqstan oblystyq máslıhatyna saılanyp, halyqtyń amanatyn arqalaǵan eń jas depýtattardyń biri atanǵan. «Saryaǵash» shıpajaıynyń dırektory laýazymyna taǵaıyndalyp, sýy myń da bir dertke daýa demalys ornynyń zaman aǵamyna saı qaıta túleýine mol úles qosqan azamat. Oblysta «Batyrshaev ákim bolady eken» degenáńgime shyqqaly qashan. Bul Batyrshaevtyń iskerligin biletin eldiń, kópshiliktiń qalaýy sııaqty kórinetin edi. Jańa taǵaıyndaýdy jasaýda oblys basshysy Shókeevtiń halyqtyń osy talap-tilegimen de sanasqany aıdan anyq.
Jańa ákimdi aýdan aktıvine Túrkistan oblysynyń ákimi О́mirzaq Shókeev tanystyryp, aldaǵy maqsat-mindetterin aıqyndap berdi. Aýdandaǵy halyqtyń áleýmettik-ekonomıkalyq ál-aýqatyn kóterýdegi Elbasy N.Nazarbaev saıasatyn júzege asyryp, Memleket basshysy bekitken tapsyrmalardy sapaly oryndaýdy júktedi.
«Buǵan deıin Ordabasy aýdanynyń ákimi bolyp kelgen Nurbol Turashbekovtyń mol tájirıbesin eskere otyryp, basqa jaýapty qyzmetke aýysýyna baılanysty atqaryp otyrǵan qyzmetinen bosattym. Búgingi kúngi aýdandyq máslıhatynyń sessııasyna Ordabasy aýdany ákimi qyzmetine jańa kandıdatýra usynylyp, depýtattar tarapynan biraýyzdan qoldaý taýyp otyr. Baǵlan Batyrshaev – tájirıbesi mol, eńbekqor azamat. Aýdan ekonomıkasyn kóterýge bar tájirıbesin, bilimin, kúsh-jigerin jumsaıdy dep senemin», dedi oblys ákimi О́mirzaq Shókeev.
Oblys ákimi jańadan taǵaıyndalǵan aýdan ákimine basty nazar aýdaryp, atqarýdy qajet etetin birqatar máseleler mindettedi. Aýdanda jańa óndiris oryndaryn ashyp, turǵyndardy jumyspen qamtamasyz etý, aýyl sharýashylyǵyna ınvestısııalar men ozyq tehnologııalar tartyp, óndiriletin ónim kólemin arttyrý boıynsha jumystardy júrgizýdi júktedi. Eń aldymen, aýdan turǵyndaryna barynsha qolaıly turmystyq jaǵdaılar jasap, aýyl, eldi mekenderi jaıly, qaýipsiz, taza da kórikti aýmaqqa aınaldyrýdy tapsyrdy.
Al Ordabasyny byltyrdan bergi aralyqta basqaryp, qysqa ýaqyttyń ishinde kóptiń alǵysyn arqalaǵan Nurbol Turashbekov budan da jaýapty qyzmetke taǵaıyndalady. Jıynda muny Shókeevtiń ózi atap ótti.