Ishki ister mınıstriniń aıtýynsha, ishki ister organdarynyń 7000 qyzmetkeri koronavırýstyq ınfeksııamen aýyrǵan, olardyń 27-si qaıtys boldy, dep habarlaıdy Egemen.kz.
Áriptesterdiń densaýlyǵy men ómiriniń qaýipsizdigin qamtamasyz etý úshin vedomstvoda belsendi túrde vaksınasııa júrgizilýde. Erlan Turǵymbaev Ortalyq kommýnıkasııalar qyzmetinde jýrnalısterdiń suraqtaryna bergen jaýabynda qyzmetkerlerdiń 93%-y 2 kezeńmen vaksınasııalandy dep málimdedi.
«Biz «qashyqtan» jumys isteı almaımyz, dárigerler de, biz de udaıy qyzmettemiz. Halyqpen tikeleı baılanysta jumys isteımiz, oqıǵa ornyna baramyz, jábirlenýshilermen jumys isteımiz, qylmyskerlerdi izdeımiz. Ishki ister organdarynyń qyzmetkerleri úshin qaýipsizdik sharalaryn qamtamasyz etý – basty orynda. Barlyq ishki ister organdarynda medısınalyq pýnktter bar, olarda dári-dármektiń barlyq jıyntyǵy bar», dedi eldiń bas polıseıi.