Erteń Lıvannyń astanasy – Beırýtta tekvondodan Azııa chempıonaty bastalady. Osy jarysqa sary qurlyqtyń kóptegen myqty komandalary qatysady dep kútilýde.
Qazaqstannyń ulttyq quramasynyń aǵa jattyqtyrýshysy Batyrbek Esdáýletovtiń aıtýynsha, Taıaý Shyǵysta ótetin baıraqty básekede el namysyn qorǵaıtyn taekvondoshylar bıylǵy jyly Taldyqorǵanda ótken Qazaqstan birinshiliginiń qortyndysy boıynsha anyqtaldy. Aıtýly jarysta asqan sheberlik tanytyp, aıryqsha kózge túsken myqtylar Azııa chempıonatyna qatysý múmkindigine ıe boldy.
Sonymen, Beırýtta erler saıysynda Samat Temirhan (54 kılo), Eldos Ysqaq (58 kılo), Ádilet Bazarbaev (63 kılo), Dıas Qurmanǵazy (68 kılo), Ábdýsamat Les (74 kılo), Raqym Ádilhanov (80 kılo), Smaıyl Dúısebaı (87 kılo) jáne Baýyrjan Hasenov (+78 kılo) kúsh synassa, áıelder arasynda Aıdana Qumartaeva (46 kılo), Botagóz Qapanova (49 kılo), Kamıla Aımuqasheva (57 kılo), Jazıra Issına (62 kılo), Nuraı Qusaınova (67 kılo), Jansel Denız (73 kılo) jáne Aqsáýle Erqasymova (+73 kılo) syndy sulýlar sheberlik baıqasady.