Ýels quramasymen kezdesken Túrkııa ekinshi oıynda da jeńilip qaldy. Bul joly Shenol Gúneshtiń shákirtteri Beıl bastaǵan jigitterden aılasyn asyra alǵan joq, dep habarlaıdy Egemen.kz.
Matchtaǵy esepti Aaron Remzı ashty. 42 mınýtta shabýylshy Garet Beıl oń qaptaldan aıyp alańyna áýelete pas asyrǵan. Qorǵaýshylar arasynan sytylyp shyqqan Remzı dopty qaqpaǵa dál baǵyttady.
Budan keıin de alma-kezek shabýyl báseńdegen joq. Osyndaı sátterdiń birinde Beıl sol qaptaldan aıyp alańyna atoılap kirgen. Dopqa tosqaýyl bolýǵa talpynǵan qorǵaýshy Zekı Chelık ýelstik fýtbolshyny qulatyp, oıyn tártibin buzdy.
Sóıtip, VAR-dyń kómegine júgingen tóreshi penaltı belgiledi. Degenmen shabýylshy Beıl penaltıden gol soǵa almaı, dopty qaqpadan qıys baǵyttady.
Esep oıynnyń sońyna deıin ózgermegen edi. Tarazy basyn teńestirýge umtylǵan túrikter taǵy bir márte Beılden kóz jazyp qaldy. Oıynnyń sońǵy mınýttarynda shabýylshy oń qaptaldan aıyp alańyna pas asyrǵan. Dopqa birinshi jetken Konnor Roberts ekinshi goldyń avtory atandy.
Osylaısha, eki týrdan keıin Ýels 4 upaımen top bastasa, eki kezdesýde 5 gol jibergen Túrkııa kóz sońynda qalyp qoıdy.
Túrkııa – Ýels 0:2
Goldar:
0:1 – 42 Remzı, 0:2 – 90 Roberts.
Túrkııa – Chakyr, Aıhan, Chelık, Merash (Mıýldıýr, 73), Seıýndjıý, Únder (Kahvejı, 83), Iokýshlý (Demıral, 46), Chalhanoglý, Týfan (Iаzyjy, 46), Iylmaz, Karaman (Dervıshoǵlý, 75).
Ýels – Ýord, Roberts, Rodon, Devıs, Mıfem, Allen (Ampadý, 73), Morrell, Beıl, Remzı (Ýılson, 85), Djeıms (Ýılıams, 90), Mýr.
Eskertý alǵandar:
Devıs (90), Iylmaz (90), Mıfem (90), Chalhanoǵlý (90).