Dıplomattar Joǵarǵy sotta pikir almasty

Basqosýǵa AQSh, Túrkııa, Qytaı, Italııa, Nıderland, Fransııa, Mysyr, Belarýs, Fınlıandııa, Grýzııa, Ýkraına, Kýba, Slovakııa, Vetnam, Indonezııa, BAÁ, Bolgarııa, Izraıl sekildi elder­diń elshileri men elshilerdiń orynbasar­lary qatysyp, Qazaqstannyń sot júıe­sindegi reformalardyń nátıjeleri týraly málimettermen tanysty.

Brıfıngte sóz sóılegen Joǵarǵy sot­tyń tóraǵasy Jaqyp Asanov elimiz­de qolǵa alynǵan sot reformasy, sot­tar­dyń táýelsizdigi máselesi, sybaılas jemqorlyqqa qarsy sharalar, sot tóre­liginiń sapasy týraly baıandady.

Is-shara barysynda Qazaqstannyń álemdik reıtıngterde «sýdıalyq» kór­setkishter boıynsha óz ornyn jaqsart­qany aıtyldy. О́tken jylǵy táýel­siz zertteýlerge sáıkes, Dúnıe­jú­zi­lik bank­tiń jobasy boıynsha ha­lyq­tyń 53 pa­ıyzy sottarǵa seneti­nin bil­dir­se, sot­tardyń qyzmetin paı­da­lanýshy­lar­dyń 67 paıyzy olardyń jumysyn oń baǵalaǵan.

Kezdesýde Palestına elshisi Mýn­taser Abý Zeıd, Germanııa elshisi Tılo Iohannes Klınner Qazaqstandaǵy ınvestorlarmen aradaǵy daýlardy she­shý joldary týraly oılaryn ortaǵa salsa, «Astana» Halyqaralyq qarjy or­talyǵy sotynyń tirkeýshisi Krıstofer Holt sońǵy 4 jyldyń ishinde 400-den astam istiń sátti sheshilgenin atap ótti. Ol bul nátıjeni «sot pen ortalyq úshin buryn-sońdy bolmaǵan kórsetkish» dep sanaıtynyn da ashyq málimdedi.

Al Qazaqstannyń sot júıesin burynǵy keńestik elderdiń ishindegi eń úzdikterdiń biri dep sanaıtyn «Beı­ker jáne Makenzı» qazaqstandyq keń­­se­siniń dırektory Kýrtıs Mas­ters reformalardyń ishinde sıfr­lan­dy­rýdyń damý deńgeıin erekshe atap ótti. Aýǵanstannyń ýaqytsha senim­di ókili Azızýlla Omardyń sot she­shimderin oryndaýdyń jáne senim­di qarym-qatynasty qalpyna kel­tirýdiń mańyzdylyǵyna toqtala kelip, medıator­lar jumys isteıtin ǵıma­rattyń sýdıalardyń kabınetterine qara­ǵanda zamanaýı ekenin de tilge tıek etti.

Jıyn barysynda dıplomattardyń túrli ózekti suraqtaryna jan-jaqty jaýap bergen Joǵarǵy sot tóraǵasy «Eń basty másele – problemalardy qa­laı jeńýge bolatynyn naqty kóre bilý, kásibı komanda, Prezıdenttiń erik-ji­geri, álemdik standarttar boıynsha jumys isteý» dep atap ótti.

Alǵash ret uıymdastyrylyp otyr­ǵan brıfıng sońynda dıplomattar sot reformasyna qatysty saýaldamaǵa jaýap berip, osyndaı basqosýdy ótki­zýdi dástúrge aınaldyrýdy usyndy.