Semeı qalasyndaǵy qatań rejımdegi kolonııa qyzmetkerleri, jalǵan neke qııý týraly kýálikpen uzaq merzimdi kezdesýge kelgen áıel adamdy ustady, dep habarlaıdy Egemen.kz.
Mekeme ákimshiligin aldaý arqyly Qazaqstan qalalarynyń birinen jalǵan qujatpen «kúıeýimen» uzaq merzimdi kezdesýge kirý úshin kelgen. Alaıda mekemeniń tájirbıeli qyzmetkerleri birden jalǵan qujatty anyqtap, polısııa qyzmetkerlerin shaqyrdy.
Qujattardy tekserý barysynda qyzmetkerler qujatqa qol qoıǵan tulǵanyń qoly jalǵan bolǵanyn jáne qujattardyń berilgen kúni tirkeý jasalǵan nómerdiń úshinshi sandarymen saı kelmeıtini anyqtaldy.
«Kelgen adamnyń týystyq baılanysty rastaıtyn qujattary únemi muqııat tekseriledi. Sottalǵannyń kezdesý kartasynda áıel «jubaıy» dep kórsetilse de, «erli zaıyptylardyń» ortaq balalary bolmaǵany úshin uzaq merzimdi kezdesý usyný úshin rastaıtyn qujat mindetti bolady. Saraptama nátıjeleri daıyn bolǵansha, áıel adam kýáliktiń jalǵan ekenin moıyndaǵan joq», deıdi mekeme bastyǵynyń orynbasary Baýyrjan Toktybaev.
Semeı qalasynyń Áýezov bóliminiń polısııa qyzmetkerlerimen atalǵan azamatshaǵa qatysty Qazaqstan Respýblıkasynyń qylmystyq kodeksiniń «quqyqtar beretin nemese mindetterden bosatatyn kýálikti nemese ózge de resmı qujatty qoldan jasaý ne mundaı qujatty ótkizý» 385 babynyń 1-bólimi boıynsha qylmystyq is qozǵaldy.
Endi zań buzýshyǵa 2000 AEK deıin kóleminde aıyppul nemese eki jylǵa bas bostandyǵyn shekteý qaýpi bar.