Kúrshim aýdanyna qalpyna keltirý jumystaryn úılestirý úshin «Qazsýshar» RMK ortalyq apparatynan mamandar jiberildi, dep habarlaıdy Egemen.kz.
ShQO oblysy Kúrshim aýdanyndaǵy Kúrshim ózeninde sý tasqyny saldarynan Jaýǵashty kanalyn sýmen qamtamasyz etip otyrǵan bóget qırady.
Bóget 2016 jyldan beri «Qazsýshar» RMK fılıalynyń balansynda. Buryn kommýnaldyq menshikte bolǵan. 9 maýsym Kúrshim ózeninde sý tasqyny ótken soń sý deńgeıi tómendep, sharýalar sýarmaly sýdyń jetispeýshiligin sezinip otyr.
Búgingi kúni «Qazsýshar» RMK Shyǵys Qazaqstan fılıalynyń kúshimen qalpyna keltirý jumystary júrgizilip jatyr. «Qazsýshar» RMK ortalyq apparatynan jergilikti jerdegi jumystardy úılestirý úshin mamandar men qosymsha tehnıka jiberildi.
Qalpyna keltirý jumystary 24 maýsym aıaqtalady dep kútiledi.