2021 jylǵy 21-23 maýsym aralyǵynda qazaqstandyq tóraǵalyqtyń bastamasy boıynsha Azııadaǵy ózara is-qımyl jáne senim sharalary jónindegi keńestiń (AО́SShK) Arnaıy jumys toby (AJT) men Aǵa laýazymdy tulǵalar komıtetiniń (ALTK) kezekti otyrystary ótti, dep habarlaıdy Egemen.kz.
AJT jáne ALTK otyrystarynda Keńestiń odan ári ınstıtýsıonaldyq damytý, Senim sharalarynyń katalogyn is júzinde iske asyrý, quqyqtyq bazasyn jetildirý, AО́SShK senim sharalaryn júzege asyrý jónindegi is-sharalardy ótkizý qaǵıdattary máseleleri talqylandy.
Sondaı-aq Azııanyń álemdegi jańa róli, jahandyq jáne óńirlik úrdister, AО́SShK odan ári damý perspektıvalary týraly pikir almasyldy.
ALTK tóraǵasy - Qazaqstan Syrtqy ister mınıstriniń birinshi orynbasary Shahrat Nuryshev óz sózinde AО́SShK qyzmetiniń aıtarlyqtaı jandanǵany baıqalatynyn qanaǵattanýshylyqpen aıtyp ketti. Atap aıtqanda, ol AО́SShK Iskerlik keńesi men Jastar keńesi basqarmasynyń otyrystarynyń, ekonomıkalyq jáne ekologııalyq ólshemder sheńberindegi birqatar is-sharalardyń, sondaı-aq epıdemıologııalyq qaýipsizdik salasyndaǵy konferensııany qosa alǵanda, jańa syn-qaterler men qaýipterge qarsy kúres salasyndaǵy birqatar is-sharalardyń sátti ótkizilgenin aıtty.
ALTK otyrysy barysynda Túrikmenstanǵa AО́SShK baqylaýshy mártebesin berý týraly sheshim qabyldandy.
Sonymen qatar is-shara barysynda BUU Bas hatshysynyń orynbasary - Terrorızmge qarsy kúres basqarmasynyń basshysy Vladımır Voronkovtyń Keńes sheńberinde talqylanyp otyrǵan BUU-nyń Jahandyq kontrterrorıstik strategııasyn iske asyrý jónindegi AО́SShK is-qımyl josparynyń mańyzdylyǵy týraly beıne úndeý jasady.
ALTK otyrysynyń qorytyndysy boıynsha 2021 jylǵy qazanda ótetin AО́SShK 6-shy mınıstrlik kezdesýi barysynda bekitý úshin AО́SShK Danalar keńesi týraly ereje jobasy kelisildi.