Maıamı (Florıda) aýmaǵyna kiretin Sýrfsaıd qalasynda kópqabatty úı qulady. Jergilikti Local 10 telearnasynyń málimetinshe, júzge jýyq adamnyń taǵdyry belgisiz bolyp otyr, dep habarlaıdy Egemen.kz.
Ǵımaratta 130 páterdiń jartysyna jýyǵy qıraǵan. Tótenshe jaǵdaı ornyna 80-nen asa qutqarý toby jiberildi.
Maıamı-Deıd polısııasynyń dırektory Freddı Ramırestiń aıtýynsha, polısııa 53 turǵynmen baılanys ornatqan, biraq taǵy 99 adam iz-túzsiz qalyp otyr. Assoshıeıted Press agenttigi bul aımaqta reseılik ımmıgranttar men ortodoksııalyq evreılerdiń otbasy turatynyn atap ótti. Agenttik habaryna qaraǵanda, apat kezinde joǵalǵan 99 adamnyń 22-si Latyn Amerıkasy elderinen.
Jergilikti BAQ-tyń keıingi málimeti boıynsha, úsh adam qaza taýyp, kem degende toǵyz adam jaralanǵan. Qazir 40-qa jýyq adam qutqarylǵany belgili.
Maıamı-Deıd okrýginiń meri Danıella Lavın Kava tótenshe jaǵdaı týraly qaýlyǵa qol qoıdy, ol qajetti federaldyq resýrstar alýǵa kómektesedi. Mer apat sebebin tekserýge ınjenerler jumylǵanyn aıtty, ázirshe úı nege qulaǵany belgisiz.