Túrkııa bıyl týrıstik maýsymdy jyl sońyna deıin uzartýdy josparlap otyr. Bul týraly eldiń mádenıet jáne týrızm mınıstri Mehmet Nýrı Ersoı málimdedi, dep habarlaıdy Egemen.kz.
Vedomstvonyń josparyna sáıkes, 2021 jyldyń sońyna deıin Túrkııaǵa 35 mıllıonnan astam týrıst keledi. Bul 2019 jylǵy rekord kórsetkishtiń 80 paıyzyn quraıdy. Ol kezde elge 45 mıllıon adam kelgen. Eger jospar oryndalsa, týrıstik salanyń bıylǵy kirisi 20 mıllıard dollarǵa jetedi.
Mádenıet jáne týrızm mınıstri pandemııaǵa qarsy týrısterdiń qaýipsizdigin qamtamasyz etý úshin barlyq shara joǵary deńgeıde saqtalatynyn aıtty.
«Túrkııaǵa kelgen týrıster COVID-19 synaǵy, vaksına, karantın sııaqty baqylaýdyń barlyq túrinen ótedi. Vaksınasyz qajetti synaqtardan ótpegen adam, tipti ushatyn jerinde de ushaqqa otyra almaıdy jáne ushyp kete almaıdy. Týrısterge testileý júrgizbeý degen sekildi jaǵdaılar bolmaıdy», dedi mınıstr.