Nur-Sultan qalasynda ınternetke tegin qosylý múmkindigi qarastyrylǵan «Jýrnalıster Alleıasyn» ashý josparlanýda. Bul týraly QR Aqparat jáne qoǵamdyq damý mınıstri Aıda Balaeva Facebook-te jazdy, dep habarlaıdy Egemen.kz.
«Qurmetti aqparat salasynyń qyzmetkerleri! Barshańyzdy kásibı merelerińizben shyn júrekten quttyqtaımyn!
Aqparat jáne qoǵamdyq damý mınıstrliginiń bastamasymen elordamyzda «Jýrnalıster Alleıasyn» ashý josparlanýda. Tegin ınternetke qosylý múmkindigin qarastyratyn alleıa tilshiler qaýymynyń shyǵarmashylyǵyn shyńdaıtyn jer ǵana emes, bas qalamyzdyń barsha turǵyndary men qonaqtary úshin de eń súıikti orynǵa aınalady dep senemin. Alleıaǵa ómirden ótip ketken jýrnalıstıkadaǵy jarqyn tulǵalardyń esimderi jazylǵan arnaıy aǵashtar ósirip, eske alý taqtalaryn ornatamyz. Sondyqtan alleıany ashý merzimin kóshet otyrǵyzýǵa eń qolaıly kezeń kúz maýsymyna aýystyrdyq», dedi A.Balaeva.
Mınıstrdiń aıtýynsha, bul bastama taǵy bir biregeı jobanyń aıasynda bas qosyp, pikir almasyp, birigip ıgi is atqarýǵa jol ashatyn tamasha múmkindik bolady.