Sana syny – álemdik báseke

О́mirdiń eń kórnekti qubylysy – ózgeris. Baspasóz qyzmetkerleri sol ózgeristerdiń ne eń aldyńǵy leginde nemese qaınaǵan ortasynda júredi. Olardyń negizgi deni ádildikti, adaldyqty, shyndyqty qorǵaıdy, sol úshin kúresedi.

Memlekettik táýelsizdigimizdiń 30 jylynda biz, bizdiń ultymyz buryn-sońdy tarıhymyzda bolmaǵan orasan ózgeristerdi basymyzdan ótkizdik. Otanshyl, ultshyl sóz jańa dáýirdegi jańa Qazaqstannyń uıytqysy bola aldy desek, sonyń saıypqyran sardarlary – elimizdiń jýrnalıs­ter qoǵamy. Erkin oı men erkin sóz Konstı­týsııamyzda kórsetilgen eń bas­ty qundylyqtarymyzdyń biri – rýh bos­tandyǵynyń kórsetkishi. Erkindik – beı­pildik emes, kerisinshe, sóz jaýapkershiligi men joǵary mádenıettiligi.

Qazirgi ınternet pen tehnologııanyń damyǵan zamanynda «aqparattyq soǵys» ta qatarlasa kelip, ulttyq qun­dy­lyq­tarymyzdyń túp-tamyryna tis batyryp jatqany belgili. Mundaı qaýip-qaterge biz «ot basy, oshaq qasy» túıtkilderinen góri, ásirese jas urpaqty ulttyq bir­lik pen álemdik dárejede áriptestik qa­ty­nas qalyptastyrýǵa qabiletti bilim men biliktilikti, ult­tyq irilik pen tutasty­ǵy­myzdy qar­sy qoıa alsaq qana kózdegen maq­sat-mu­rat­tarymyzǵa qol jetkize alamyz.

Qalamger áriptesterimizdi kásibı merekesimen quttyqtaı otyryp, ulttyq rýhy­myzdyń, dúnıetanymymyzdyń álem­­dik básekege laıyq bolýy jolynda aıan­baı eńbek ete berýge tilektestigimdi bil­diremin.

Qýanysh SULTANOV,

Qazaqstan Respýblıkasynyń

1991-1995 jyldardaǵy tuńǵysh Baspasóz jáne buqaralyq

aqparat mınıstri,

Qazaqstan Respýblıkasynyń eńbek sińirgen qaıratkeri