Nur-Sultan - Oral jolaýshylar poıyzy 25 jastaǵy er adamdy qaǵyp ketti, dep habarlaıdy Egemen.kz.
Oqıǵa Oral-Jelaevo aralyǵynda bolǵan. Temirjol qyzmetkerleriniń aıtýynsha, er adam qulaqqap taǵyp alyp, qozǵalyp bara jatqan poıyzdyń aldynan júgirip ótpek bolǵan.
«Jábirlenýshiniń aıaǵy men arqasy jaralandy. Ol komada jatyr», dedi Oral jol aralyq ýchaskesiniń basshysy Qýat Qulamanov.
Poıyz adam qaqqannan keıin biraz ýaqyt toqtap turdy, biraq keıin qozǵalysyn jalǵastyrdy.