Azamattyq qorǵaý organdarynyń habarlandyrý júıesi tekseriledi

Halyqty tótenshe jaǵdaı­lar týraly habarlandyrý jáne aqparattandyrý – negizgi qa­ýipsizdik sharasy. Bul turǵyn­dardy qandaı da bir avarııa nemese tabıǵı qubylystardyń ár­túrli faktorlarynan bolatyn qı­raý saldarynan qorǵaıdy.Habarlandyrý júıesin tek­serý barysynda elektr da­byl­dar men dabyldy sóı­leý qurylǵylaryn (daýys zoraıt­qyshtar) qysqa ýaqytqa qosý, tele­dıdar efırlerin jáne radıo arnalaryn ustap qalý, aqparatty ınternet-resýrstar men mobıldi qosymshalarǵa ornalas­tyrý jos­parlanyp otyr.«Barshanyń nazaryna» dybys­ty sıgnal – bul eskertý dabyly. Bul tótenshe jaǵdaılar qaýpi bolǵanda nemese týyndaǵanda barlyq shuǵyl habarlama jasaý aldynda halyqtyń nazaryn aýdarý úshin beriledi.Dybystyq sıgnaldy estigen soń qalyptasqan jaǵdaıda al­daǵy is-áreketteri boıynsha nus­­­qaý alý úshin teledıdar men radıo­qabyldaǵyshty qosyp, ınter­net-resýrstar men mobıldi qo­sym­shadaǵy aqparatty oqý qajet.Sonymen qatar qaýipti ón­diristik obektiler men gıdro­teh­nıkalyq qurylystardaǵy jer­­gilikti qulaqtandyrý júıele­riniń jumysy tekseriledi.Respýblıkalyq habarlandyrý júıesin tekserý qorytyndysy boıynsha elimizdiń halqyn ýaq­tyly aqparattandyrý men qu­laq­tandyrýdy qamtamasyz etý bo­ıynsha tıisti sharalar py­syq­talatyn bolady, dep habarlady TJM baspasóz qyzmeti.