Ortalyq kommýnıkasııalar qyzmetinde ótken brıfıngide Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Aınagúl Qýatbaeva koronavırýspen aýyrǵan naýqastarǵa vaksına salý ýaqyty ózgertilgenin aıtty, dep habarlaıdy Egemen.kz.
«Sońǵy ǵylymı málimetterge súıene otyryp, syrqattanyp jazylǵan naýqastardyń úsh aı ótkende vırýsty qaıta juqtyrý qaýiptiligi joǵary bolýyna baılanysty Bas memlekettik sanıtar dárigerdiń sońǵy qaýlysy boıynsha koronavırýspen aýyrǵan naýqastarǵa 3 aıdan keıin vaksına alý jumystary qolǵa alynǵan», dedi Aınagúl Qýatbaeva.