Almaty qalalyq tótenshe jaǵdaılar departamenti aýa raıyna baılanysty eskertý jarııalady, dep habarlaıdy Egemen.kz.
«Qazgıdromet» kásipornynyń málimetinshe, 7 shilde kúni Almatyda synap baǵanasy 36-38 gradýsqa deıin kóteriledi. Kún qatty ystyq bolýy yqtımal. Osyǵan baılanysty Almaty qalasy TJ departamenti tómendegi qaýipsizdik sharalaryn saqtaýdy usynady:
- Kún sáýlesi tikeleı túsetin jerlerde múmkindiginshe az bolýǵa tyrysyńyz. Esińizde bolsyn, saǵat 12:00-den 16:00-ge deıingi ýaqytta kúnniń sáýlesi belsendi bolady. Deneni kún sáýlesinen qorǵap, jabyq kıim kııýge tyrysyńyz jáne kúnnen qorǵaıtyn syqpa maılar qoldanyńyz; - Alkogoldi ishimdik ishpeńiz – alkogol ystyqta aǵzaǵa tez áser etedi jáne dene joǵary temperatýraǵa sezimtal bolady;
- Suıyqtyqty (salqyndatylǵan sý, mıneraldy sý) múmkindiginshe kóp ishýge tyrysyńyz; Denege salmaq túsirmeńiz. Kúshti júkteme ystyqta jylý almasýdy arttyrady da aǵzany sýsyzdanýǵa ákelip soqtyrady;
-Avto kóliktermen uzaq saparlardy shekteýińiz kerek, eger bul múmkin bolmasa, jolda múmkindiginshe abaı bolyńyz, sebebi, qatty ystyqtan kóńil kúı tómendep adam ózin ózi nashar sezinýi múmkin jáne reaksııa tómendeıdi.
- Eger siz tótenshe jaǵdaıǵa tap bolsańyz jáne sizdiń ómirińizge qaýip tóngendeı jaǵdaı bolsa, «112», «101» biryńǵaı qutqarý qyzmetine qońyraý shalyńyz (qońyraý shalý tegin).
-Ystyq aýa raıy, ásirese júrek-qan tamyrlary aýrýlarymen, arterııalyq gıpertenzııamen aýyratyn adamdar úshin, sondaı-aq ınfarkt pen ınsýlt qaýpi bar adamdarǵa óte qaýipti.