Aldaǵy demalys kúnderi Býrabaı men Zerendide tekserý-ótkizý beketteri paıda bolady. Bul týraly óńirdiń Bas sanıtar dárigeri habarlady.
– Qazir tıisti qujat ázirlenip jatyr. Beketterden «Ashyq» qosymshasynda «jasyl» jáne «kók» mártebesi bar adamdar ǵana óte alady. Mundaı sharany mamandar ınfeksııa órship bara jatqan soń qolǵa alǵan. Sebebi sońǵy aptada qaýipti indet 2 jarym esege kóbeıipti. Onyń ústine demalys kúnderi kýrortty aımaqtarda ıne shanshar jer bolmady. Mine, osynyń bári karantındi kúsheıtýge sebep bolyp otyr, – deıdi dárigerler.
«О́simniń eń joǵary deńgeıi Kókshetaý qalasy men Býrabaı aýdanynda baıqaldy. Al ótken táýlikte 126 jaǵdaı tirkelse, olardyń 100-den astamy sımptomdy. Aýrýhanaǵa jatý kórsetkishi de 35-ten 50 paıyzǵa kóbeıdi. Qazir emdeý mekemelerinde 700-den asa pasıent jatyr», dedi oblystyń Bas sanıtar dárigeri Aınagúl Mýsına.