Memleket basshysy Qasym-Jomart Toqaev kórnekti kınorejısser, jazýshy, Qazaqstannyń eńbek sińirgen qaıratkeri, Memlekettik syılyqtyń ıegeri Satybaldy Narymbetovtiń otbasy men jaqyn týystaryna kóńil aıtty. Bul týraly Prezıdenttiń baspasóz hatshysy Berik Ýálı Facebook-tegi paraqshasynda jazdy, dep habarlaıdy Egemen.kz.
– Satybaldy Jáleluly qazaq kınosynda ózindik qoltańbasy bar, sýretkerlik sheberligin udaıy shyńdap otyratyn daryndy rejısser edi. Qoǵamdaǵy kúrdeli ózgeristerdi, zamannyń jańarǵan kelbetin ekran arqyly kórsete bildi. Shyǵarmashylyq izdenister nátıjesinde dúnıege kelgen árbir týyndysy synshylar men kórermender tarapynan joǵary baǵasyn aldy. Sondaı-aq ár jyldary jaryq kórgen kitaptaryn oqyrmandar jyly qabyldady. Otandyq kıno ónerin jáne rýhanı-mádenı salany damytýǵa mol úles qosyp, sońyna jarqyn iz, óshpes mura qaldyrǵan Satybaldy Jálelulynyń esimi men beınesi halqymyzdyń jadynda saqtalady. Marqumnyń jany jánnatta, ımany salamat bolsyn, – dep jazylǵan Prezıdenttiń jedelhatynda.