Senat depýtaty Sultan Dúısembınov Almaty oblysynyń Taldyqorǵan qalasynda boldy, dep jazady Egemen.kz Senattyń baspasóz qyzmetine silteme jasap.
Senator kóppáterli turǵyn úıdiń qurylysymen jáne qalalyq ortalyq qazandyqtyń qaıta jóndelý barysymen tanysty. Onda qurylys jumystarynyń sapasyn qatań baqylaý qajettigine jergilikti atqarýshy organdardyń nazaryn aýdardy.
Senator sonymen qatar Erkin aýylyndaǵy dárigerlik ambýlatorııa ujymymen de kezdesti. Depýtat Senat osy sessııada elimiz halqynyń ómirin jaqsartýǵa baǵyttalyp qabyldaǵan jańa zańdar týraly aýyl turǵyndaryna aıtyp berdi. Senator sondaı-aq koronavırýs ınfeksııasynyń aldyn alý sharalarynyń mańyzdylyǵyn da atap ótti.
«Koronavırýs pandemııasymen kúres taqyrybyn tosyrqamaı, vaksınasııa júrgizýge erekshe nazar aýdaryp, halyqqa únemi aýqymdy túsindirý jumystaryn júrgizý qajet», dep atap ótti Sultan Dúısembınov.