Atyraý oblysynda koronavırýs ınfeksııasyn juqtyrǵan 2 106 naýqas oqshaýlanǵan. Onyń ishinde 824 adam ınfeksııalyq stasıonarlarda, al, 1 282 pasıent úıinde emdelip jatyr, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, 12 shildede 334, 13 shildede 320 adamnan qaýipti vırýstyń belgisi tabylyp otyr.
Eki kúnde Atyraý qalasynda 495 naýqas tirkelgen. Al Teńiz kenishinde 26, Jylyoı aýdanynda 40, Inderde – 24, Qurmanǵazyda – 22, Isataıda – 17, Mahambette – 13, Qyzylqoǵada – 11, Maqat aýdanynda 6 adam koronavırýs ınfeksııasyn juqtyrǵan.
«Qazir ınfeksııalyq stasıonarlarda 824 naýqas qaýipti vırýsqa qarsy em qabyldap jatyr. Onyń ishinde modýldik aýrýhanada 194, aýdandardaǵy stasıonarlarda 184, №2 oblystyq aýrýhanada 172, kardıologııalyq ortalyqta 109, ftızıopýlmanologııalyq ortalyqta 91 pasıent oqshaýlandy. Sondaı-aq, Teńiz ken ornyndaǵy stasıonarda 74 adam emdelýde. Buǵan qosa, úıinde emdelý úshin oqshaýlanǵan naýqastar sany – 1 282 adam», dep habarlady basqarmanyń baspasóz qyzmetinen.