Astana Hub tehnoparkiniń sıfrlyq nusqasy paıda boldy. Ony ázirleýge 55 mln teńge jumsalǵan.
О́tken jyldyń qarashasynda Astana Hub basshylyǵy tehnoparktiń sıfrlyq nusqasyn ázirleý úshin arnaıy baıqaý jarııalady. Oǵan elimizdiń jáne TMD memleketteriniń IT-kompanııalary qatysyp, óz jobalaryn usyndy. Biliktiler baq synaǵan baıqaýda almatylyq AnyDev ujymy jeńiske jetti. Olarǵa platformany ázirleý úshin 55 mln teńge berildi. Sóıtip, tehnoparktiń sıfrlyq nusqasy – Astanahub.com dúnıege keldi. Jalpy onlaın baıqaýǵa 20-dan astam kompanııa qatysqan.
Astana Hub-tyń bas dırektory Maǵjan Mádıevtiń aıtýynsha, sıfrlyq nusqada iri ári kishigirim prosesterdiń bári avtomattandyrylǵan. Iаǵnı túrli baǵdarlamalarǵa ótinim berýden bastap, vızalyq ári salyqtyq jeńildikterge ıe tehnopark rezıdentteriniń onlaın formatta esep júrgizýine tolyqtaı múmkindik jasalǵan.
– Baıqaýǵa qatysýshylar eki aptanyń ishinde tehnoparktiń sıfrlyq nusqasyn ázirleýge tyrysty. Keıin táýelsiz komıssııa jeńimpazdardy anyqtady. Platforma tehnopark quramyndaǵy 507 IT-kompanııaǵa aıtarlyqtaı demeý bolaryna senemin, – deıdi Maǵjan Mádıev.
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń sózine sensek, Astana Hub-tyń aldyna qoıylǵan mindet aýqymdy – 2025 jylǵa qaraı IT-ındýstrııadan 500 mln dollar kóleminde eksporttyq túsim alý.
– Byltyr tehnoparkke eki baǵdar usyndym. Birinshiden, eseptiń bári onlaın formatta jınalýy kerek. Áıtpese, buǵan deıin Astana Hub qatysýshylarynyń barlyǵy esepti qaǵaz túrinde tapsyratyn. Ekinshiden, tehnopark óńirlik habtarǵa baǵdarlanýy kerek. Iаǵnı Astana Hub óńirlerdegi akselerasııa men ınkýbasııany qoldaýy qajet. Budan bólek, eksportqa baǵdarlaný kerektigin eskerttim. О́ıtkeni 2025 jylǵa qaraı IT-ındýstrııadan qomaqty eksporttyq túsim alý mindeti tur. Astana Hub tolyqtaı eksporttyq áleýetke jumys isteıtin bolady. Bıyl halyqaralyq aksellerasııalyq platformalarmen, sondaı-aq venchýrlik kapıtalıstermen yntymaqtastyq ornatýǵa tyrysamyz. Bul jergilikti startaptardyń halyqaralyq naryqqa shyǵýyna múmkindik beredi, – deıdi Baǵdat Mýsın.
Derekterge súıensek, 2020 jyly Astana Hub qatysýshylarynyń eksporttyq tabysy 14 mlrd teńgeni quraǵan. Tehnopark operasııalyq tabysqa áli shyqqan joq jáne bul mejeni jaqyn ýaqytta eńserý josparlanbaǵan.
– Astana Hub – kommersııalyq uıym emes, korporatıvti qor. Bizdiń mıssııa – startap mádenıetin damytý jáne IT-jobalardy qoldaý. Sondyqtan operasııalyq tabysqa shyǵý negizgi mindet emes. Iá, bolashaqta buǵan da keletin bolamyz, ol anyq. Ol úshin uzaq jyldar kerek. Biz Izraıl men Sıngapýrdaǵy, Malaızııa men Belarýstaǵy ekojúıelerdiń qalaı damyǵanyn zerdelep, álemdik tájirıbeni zerttedik. Olardyń bári qysqa merzimdi bolashaqta operasııalyq tabysqa shyǵý mindetin alǵa qoımaǵan. Sondaı-aq biz zerttegen tájirıbeniń bárinde memlekettik qoldaýdyń qarqyndy bolǵanyn baıqadyq. Iаǵnı kompanııalarǵa materıaldyq ınfraqurylym, salyqtyq jeńildik, damý baǵdarlamasyn sýbsıdııalaý sekildi qoldaý sharalary usynylǵan, – deıdi Maǵjan Mádıev.
Eske sala keteıik, Astana Hub tehnoparki EKSPO ortalyǵynyń aýmaǵynda ornalasqan. Tehnopark 25 gektar jerdi alyp jatyr. Astana Hub iske qosylǵan úsh jyldyń ishinde munda 1 myńnan astam kásipker shoǵyrlandy. Bul rette 507 kompanııa salyqtyq jáne vızalyq jeńildikterge ıe. Olar 2019-2021 jyldar aralyǵynda qoldaý sharalarynyń nátıjesinde 7,7 mlrd teńgeni únemdegen. Búginde tehnopark 12 mln-nan astam paıdalanýshyny qamtyp otyr. Baǵdat Mýsın atap ótkendeı, Astana Hub Qazaqstandaǵy startap-ındýstrııanyń ózegine ári túrli deńgeıdegi tehnologııalyq kompanııalardyń múmkindikter alańyna aınaldy.