«Saryarqa» jáne «Mańǵystaý» zymyran-artıllerııalyq korablderi bastaǵan Áskerı-teńiz kúshteriniń korablder toby Kaspıı teńiziniń qazaqstandyq sektoryna joryqqa shyqty, dep habarlaıdy Egemen.kz.
Korablder ekıpajdary ózderine júktelgen mindetterdi tolyq kólemde oryndady. Birqatar korabldik-jaýyngerlik oqý-jattyǵýlar ótkizilip, júzý aýdany zertteldi. Áskerı teńizshiler kemeniń qalqymaly maketine jáne qalqymaly mınaǵa artıllerııadan oq atýdy oryndady.
Joryqty Áskerı-teńiz bazasy komandıriniń orynbasary 2-dárejeli kapıtan Baýyrjan Muratuly basqardy. Onyń aıtýynsha, mundaı is-sharalar Áskerı-teńiz kúshterindegi jaýyngerlik daıarlyqtyń negizi bolyp tabylady. Joryqtar kezinde keme komandırleri mol tájirıbe jınaıdy. Jeke quram is júzinde daǵdylarǵa ıe bola otyryp, jaýyngerlik daıarlyq deńgeıin arttyrady.