Bul suraqqa OKQ-de ótken baspasóz máslıhatynda QR Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova jaýap berdi, dep habarlaıdy Egemen.kz.
«Búgingi kúnniń derekteri boıynsha álemde 189 mln jaǵdaı tirkeldi. Aıta ketý kerek, sońǵy apta ishinde álem boıynsha koronavırýs indetine shaldyqqandar sany 2 esege artyp otyr. Derttiń údeıe túsýi delta-shtamymen de baılanysty, búginde atalǵan ınfeksııa túri 100-den astam elde tirkeldi. Qazaqstan 26 maýsymnan bastap «qyzyl aımaqta» tur. Elimizdiń 13 óńiri indet qaýpi tónip turǵan aımaqtar qatarynda. Qazaqstanda kovıd indetiniń taralýy ósip otyr», dedi Aıjan Esmaǵambetova.
Komıtet basshysy búginde elimizdiń barlyq aýmaǵynda karantındik shekteýlerdiń qatańdatylyp jatqanyn aıtty.
«Eńbek kodeksine sáıkes jumys berýshi vaksına almaǵan qyzmetkerdi jumystan bosatýǵa quqyǵy bar. Maqsat – jumystan qýý emes, kerisinshe ujymdaǵy basqa da azamattardyń densaýlyǵyn saqtap, qaýipsizdikti qamtamasyz etý. Qyzmetker jumystan ýaqytsha bosatylady, ıaǵnı vaksına alǵan jaǵdaıda ol óz jumysyn qaıta jalǵastyra alady. Sondaı-aq vaksına almaǵan jaǵdaıda qyzmetker aptasyna bir ret PTR test tapsyrsa da bolady», dep túsindirdi komıtet tóraǵasy.