Qazaqstanda alynǵan vaksına pasportyn moıyndaıtyn elder ataldy, dep habarlaıdy Egemen.kz.
«Vaksına alýda onyń pasporty shetelde moıyndalǵany emes, onyń qanshalyqty tıimdi ekeni mańyzdy. Basty maqsat – vaksınanyń adam aǵzasyn qorǵaýy, sol arqyly densaýlyǵymyzdy saqtaımyz. Biz úshin eń bastysy osy.
Búgingi kúni Qazaqstanda alynǵan vaksınanyń pasportyn Taıland, Mońǵolııa, Vengrııa, Qyrǵyzstan, Grýzııa, Kıpr, Túrkııa elderi moıyndap otyr. Sol sekildi Reseıde de EAEO aıasynda vaksına pasportyn moıyndaý kelissózi júrgizilýde.
Sonymen qatar, bizdiń mınıstrlik Syrtqy ister mınıstrligimen birlesip ózara vaksına pasportyn moıyndaý týraly kelissózder júrgizip jatyr. Iаǵnı sheteldikterdiń vaksına pasportyn biz ǵana moıyndap qoımaı, ekijaqty etý mindeti tur», dedi QR Densaýlyq saqtaý mınıstrligi sanıtarııalyq-epıdemıologııalyq baqylaý komıtetiniń tóraǵasy Aıjan Esmaǵambetova OKQ-de ótken baspasóz máslıhatynda.