Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Qostanaı oblysyna keldi. Mınıstr jumys sapary barysynda «Sıfrlyq Qazaqstan» baǵdarlamasynyń óńirdegi júzege asý barysymen tanysty, dep jazady Egemen.kz.
Qostanaıdyń №1 Halyqqa qyzmet kórsetý bólimine bas suqqan Baǵdat Mýsın HQO-larda epıdemııaǵa qarsy sharalardyń qatań saqtalý kerektigin eskertti.
«Turǵyndar tek aldyn ala brondaý boıynsha qabyldanýy tıis. Árbir kelýshiniń mártebesi«Ashyq» júıesi arqyly mindetti túrde rastalýy qajet. Áleýmettik qashyqtyqty saqtaý asa mańyzdy jáne mindetti túrde antıseptık quraldary bolýytıis. HQO-ǵa keletinderdiń kópshiligi óz-ózine qyzmet kórsetý sektoryna barady. Bul sektordaǵy árbir ústelge antıseptık qutylaryn qoıýdy usynamyn. Bul búkil sektorǵa qoıylatyn úlken dezınfeksııalyq quralǵa qaraǵanda áldeqaıda yńǵaıly. Máselen, adam kompıýterde jumys istedi delik, ol ketken soń, kelesi adam keledi. Ol qoly men pernetaqtany antıseptıkpen óńdep, jumysyn isteı beredi. Bul da qorǵanysh sharasy», dedi mınıstr.
Sondaı-aq, Baǵdat Mýsın qazir Qostanaıdaǵy №1 Halyqqa qyzmet kórsetý bólimine kelýshilerdiń kóp ekenin, sondyqtan qyzmet kórsetý sapasyn jaqsartý, sondaı-aq uzyn-sonar kezektiń týyndaýyna jol bermeý úshin HQO-ǵa jańa ǵımarat tabý kerek degen usynys aıtty.
Mınıstr azamattardyń elektrondyq ótinishterin qabyldaý jáne memlekettik organdarǵa jiberý algorıtmimen tanysyp, ótinishti jiberý múmkindigin jeke tekserdi.
«Jańa Ákimshilik kodekske sáıkes, azamat 15 kún ishinde ótinishke jaýap alatynyn bilemiz. Men Qostanaı ákimdigine ótinish jiberip kórip, júıeni jetildirýdi qajet etetin keıbir tustardy anyqtadym. Eger azamat portal arqyly habarlama jibergen bolsa, onda jaýap jeke kabınetke túsedi. Al ákimdik nemese HQO arqyly joldanǵan ótinishke jaýap alý úshin sol jerge qaıta barý kerek. Bul turǵyndar úshin qolaısyz. Sondyqtan uıaly telefon arqyly jaýapqa qol jetkizý múmkindigin qarastyrý kerek. Bul óte yńǵaıly. Máselen, turǵyndardyń biri HQO-da ótinish jasap, 15 kúnnen keıin basqa qalaǵa ketip qaldy delik. Al HQO oǵan jaýapty SMS-habarlama arqyly jibere qoıady. Jańa fýnksııany engizý kezinde biz qandaı da bir memlekettik organda ótinishtiń qaralý kezeńin qysqartyp qana qoımaımyz, sonymen qatar sol jaýapqa qaı túpkirde júrsek te qol jetkizý múmkindigine ıe bolamyz», dedi Baǵdat Mýsın.
Esterińizge sala keteıik, 1 shildede Qazaqstanda ótinishterdiń qaralýyn baqylaıtyn e-Otinishelektrondyq júıesi engizildi. E-Otinish elektrondyq ótinishter júıesiniń bas operatory – «Azamattarǵa arnalǵan úkimet» memlekettik korporasııasy, júıeni ázirleýshi – BTS Didgital. О́tinishterdi birneshe tásilmen berýge bolady: egov.kz elektrondyq úkimet portaly, memlekettik organdar, ákimdikter jáne HQO arqyly. HQO-larda bul úshin ótinishterdi qabyldaıtyn arnaıy pýnktter jumys isteıdi. Mundaǵy mamandardyń aıtýynsha, 1 shildeden beri Qostanaı oblysynyń HQO-lary arqyly 5 ótinish kelip túsken.