«Aýyl» halyqtyq-demokratııalyq patrıottyq partııasy usynǵan aýyl, aýyldyq okrýg, aýdan deńgeıindegi qalalar ákimdigine usynylǵan úmitkerler saılaý aldyndaǵy úgit-nasıhat jumysyna kiristi.
«Saılaý týraly» Konstıtýsııalyq zańǵa engizilgen ózgeristerge sáıkes bıylǵy shildeniń 25 kúni ótetin ákimder saılaýyna «Aýyl» HDPP 104 úmitkerdi usyndy. Olar 13 oblysta tirkelgen.
Kandıdattardyń sany boıynsha eń kóp óńirler – Túrkistan jáne Shyǵys Qazaqstan oblysy (19 jáne 18 kandıdat), sondaı-aq Aqtóbe men Jambyl oblystary (16 úmitkerden). «Aýyl» partııasynyń usynǵan barlyq úmitker bekitilgen talaptarǵa saı dep tanylyp, aımaqtyq saılaý komıssııalarynan kandıdat kýálikterin aldy.
Úgit-nasıhat jumysynyń kóp bóligi pandemııaǵa baılanysty qoıylǵan talaptardy saqtaı otyryp, elektoratpen tikeleı kezdesý arqyly ótpek. Sonymen qatar úmitkerlerdiń daıyndaǵan baǵdarlamalary jergilikti buqaralyq aqparattar quraldary arqyly jáne qaǵaz júzinde beriletin materıaldar arqyly taratylady. Áleýmettik jeliler men qoldanysta keńinen paıdalanylatyn messendjerler de úgit-nasıhat jumysynda qoldanylatyn bolady.
Kandıdattar baǵdarlamalarynyń negizgi bóligi «Aýyl» partııasynyń platformasy men Jarǵysyna sáıkes keledi. Olar – aýyl ınfraqurylymyn jaqsartý, áleýmettik máseleler, jumyssyzdyqpen kúres, agroónerkásipti damytý, bilim berý men densaýlyq saqtaý nysandarynyń qoljetimdiligin qamtamasyz etý.
«Aýyl» partııasynyń usynǵan 104 kandıdatynyń barlyǵy – aýyl týmasy. Orta jasy 35 pen 45 arasynda. Úmitkerlerdiń 11-i – áıel. Kandıdattardyń ortasha eńbek ótili – 10-15 jyl.
Kandıdattar usynylǵan óńirlerde «Aýyl» partııasynyń senimdi ókilderi men baıqaýshylary jumys isteıtin bolady, dep habarlady «Aýyl» partııasynyń baspasóz qyzmeti.
«Egemen-aqparat»