Úmitkerge qoldaý bildirdi

Táýelsizdik tarıhyndaǵy tuńǵysh tikeleı saılaýǵa daıyndyq barysymen tanysý maqsatynda aýdanǵa arnaıy kelgen Parlament Máji­lisiniń depýtaty Eka­terına Smyshlıaeva birqatar eldi mekendi aralap, óńir turǵyndarymen kezdesti.

Denısov aýdanyndaǵy Telman aýyldyq okrýginde ótetin ákim saılaýyna tús­ken eki úmitkerdiń biri – Nur Otan partııasynyń mú­shesi, aýdandyq bilim bóli­mi ádistemelik kabı­neti­niń meńgerýshisi Arman Da­bylov. Ol osy óńirdegi Antonov aýylynda týyp-ósken. Joǵary oqý ornyn támamdaǵan soń, týǵan jerge oralyp, eńbek jolyn mu­ǵalimdikten bastaǵan.

Májilis depýtaty Eka­terına Smyshlıaeva men Arman Dabylov aýyldyq okrýgtegi «Agrofırma Olımp» jaýapkershiligi shekteýli seriktestigi ujy­mymen kezdesti. Munda 70-ke jýyq adam jumys isteıdi. Eńbekkerlerdiń kóbi ákim saılaýyna birinshi ret túsip jatqan úmitkerdi jaqsy biletin bolyp shyqty. Al Májilis depýtaty bıyl aýyldyq jerlerde alǵash ret óteıin dep otyrǵan tike­leı saılaýdyń elimizdiń saıa­sı ómirindegi eń eleýli ózge­ris ekenin, munyń aýyldy damy­týdaǵy mańyzy zor ekenin áńgimelep, úmitkerge qoldaý bildirdi.

Kezdesý barysynda Nur Otan partııasynyń saılaý­aldy baǵdarlamasynyń iske asyrylý barysy tal­qylandy. Sondaı-aq Arman Dabylov óziniń saılaýaldy baǵdarlamasynyń negizgi baǵyttary týraly aı­typ berdi. Aýyl tur­ǵyn­­darynyń tarapynan kóp­tegen tilek­ter pen usy­nys aıtyldy. Depýtat pen úmit­kerge túrli saýaldar qoıyp, tu­shymdy jaýap alǵan tur­ǵyn­dardyń deni aldaǵy ma­ńyz­dy saıası naýqanǵa bel­sene qaty­satyndaryn jetkizdi.

Qostanaı oblysy