QR Mádenıet jáne sport mınıstri Aqtoty Raıymqulova Tokıo Olımpıadasyna attanǵan Qazaqstan delegasııasyna səttilik tiledi, dep jazady Egemen.kz QR Mádenıet jáne sport mınıstrliginiń resmı saıtyna silteme jasap,
«Qurmetti sportshylar, bapkerler, Qazaqstan delegasııasynyń ókilderi!
Sizder əlem halqy asyǵa kútken Japonııada ótetin XXXII jazǵy Olımpıadaǵa attandyńyzdar. Atletterdiń alǵashqy legi arnaıy qalashyqqa jetip, qazir qyzý daıyndyǵyn jalǵastyryp ta jatyr.
Jalpy Olımpıada ejelden beıbitshiliktiń jarshysy atanǵan, bilekti de júrekti atletterdi, túrli ult pen ulys ókilderin biriktiretin dostyq meıramyna aınaldy. Ər el kil myqtysyn attanatyn tórt jyldyqtyń basty dodasy keskilesken ədil bəseke alańy bolýymen qatar teńdik, jasampazdyq, dostyq ústemdik quratyn mezet.
Osy joly əlemdi sharpyǵan indettiń saldarynan Olımpıada dəstúrli tórt jyldan keıin emes, bir jylǵa keıinge shegerilip ótkeli tur. Osyndaı kúrdeli kezeńde Memleket basshysy Qasym-Jomart Toqaev, Tuńǵysh Prezıdent - Elbasy Nursultan Nazarbaev, el Úkimeti olımpıadashylar úshin barlyq jaǵdaıdy jasap jatqanyn aıta ketkim keledi.
Otandyq atletter Qazaqstan təýelsiz er retinde alǵash ret qatysqan Atlantadaǵy jazǵy olımpııa oıyndarynan bastap batyldyq, tabandylyq pen dostyqqa negizdelgen ıgi dəstúrdi laıyqty jalǵastyryp jatyr. Aldyńǵy tórt jyldyqtyń basty bəsekesinde sportshylarymyz jalpy júlde sany boıynsha qurama rekordyn ornatqany úmitimizdi eseleıtini jasyryn emes. Sizderdiń Tokıodaǵy ər jetistikterińiz baǵa jetpes Təýelsizdigimizdiń 30 jyldyǵyna qundy tartý dep bilemiz.
Qurmetti sportshylar, qaranar Qazaq eli Sizderge senedi, ər dodada qyzý qoldaý kórsetedi. Sətin salyp baıraqty bəsekede asyǵyńyzdyń alshysynan túsýine tilektespin.
Qurmetti bapkerler, asqan yjdahattylyqpen daıarlaǵan saıypqyrandaryńyzdyń saıysta baǵy men baby qatar shaýyp, Uly dala eliniń dańqyn asqaqtata bersin. Kózge kórine bermeıtin qajyrly eńbekterińiz aqtalsyn.
Tokıo tórindegi saıysta kórnekti qaıratker Per de Kýberten usynǵan urandaǵydaı ər sportshymyz «Jyldamyraq, bıigirek, myqtyraq» atanyp, júldeli bolsyn! Osy jolda səttilik tileımin!»-dep jazylǵan quttyqtaý hatynda.