Respýblıka boıynsha 4 763 ruqsat etilmegen qoqys úıindisi anyqtaldy, dep habarlaıdy Egemen.kz QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.
Statıstıkalyq derekterdi eskersek, qoqys máselesin sheshý barlyq múddeli uıymdardy, onyń ishinde qoǵamdy tarta otyryp, túbegeıli sharalardy qoldanýdy talap etedi. Buǵan deıin Memleket basshysy QR Úkimetiniń sońǵy keńeıtilgen otyrysynda osyndaı tapsyrma bergen bolatyn jáne ony oryndaý sheńberinde Ekologııalyq retteý jáne baqylaý komıtetimen Orman sharýashylyǵy jáne janýarlar dúnıesi komıtetiniń, sondaı-aq Aqparat jáne qoǵamdyq damý mınıstrliginiń qatysýymen ruqsat etilmegen qoqys úıindilerin anyqtaý jáne olardyń paıda bolýynyń aldyn-alý boıynsha aýqymdy jumystar uıymdastyryldy.
Búgingi kúni respýblıka boıynsha 4 763 ruqsat etilmegen qoqys úıindisi anyqtaldy.
Alǵashqy reıd aǵymdaǵy jyldyń 24 maýsymynda bastalyp, ony bir mezgilde bes iri óńir: Qaraǵandy, Pavlodar, Almaty, Aqmola jáne Shyǵys Qazaqstan oblystary ótkizdi. Rekreasııalyq aımaqtarǵa ekologııa departamentteriniń, ákimdikterdiń, jergilikti polısııa qyzmetiniń ókilderi jáne 30-dan astam ekovolonterler shyqty.
Bir kúndik jumys nátıjesinde 20 zańsyz qoqys orny anyqtaldy, olardyń 13-i sol kúni joıyldy. Sonymen qatar, 6 eskertý berilip, 10 AEK kóleminde ákimshilik aıyppul salyndy.
Apatty úıindilerin joıý kestesi aǵymdaǵy jyldyń qyrkúıek aıynyń sońyna deıin barlyq óńirlerge merzimdi saparlardy qarastyrady.