Qala qurylysyn baqylaý basqarmasynyń habarlaýynsha, Gornovostochnaıa kóshesiniń shyǵysy, Gornaıa kóshesi mekenjaıy boıynsha kólik turaǵy ıesiniń jer paıdalaný merzimi aıaqtaldy, dep habarlaıdy Egemen.kz.
«Merzimi aıaqtalǵannan keıin jer paıdalanýshy jer qatynastary basqarmasyna ony uzartý týraly ótinish bergen, alaıda bul ótinish maquldanǵan joq. JQB-dan tıisti habarlama alyp, biz Almaty qalasynyń mamandandyrylǵan aýdanaralyq ekonomıkalyq sotyna shaǵym túsirdik. Sot sheshimi boıynsha qazirgi tańda avtoturaqty bólshekteý jumystary júrgizilýde», dep habarlady Almaty qalasy qala qurylysyn baqylaý basqarmasynyń baspasóz qyzmeti.
Burynǵy avtoturaq shamamen 1,3 gektar memlekettik jerdi ıemdengen.