Shyǵystaǵy OV-156/16 mekemesinde kólik quralyn basqarý quqyǵynan ómir boıyna aıyrylǵan azamattardyń 42-si temir torda jazalaryn ótep otyr, dep habarlaıdy Egemen.kz.
Kólik quraldaryn júrgizý quqyǵynan aıyrylǵan azamattar alkogolden, esirtkiden masań kúıde kólik tizginine otyryp, QR QK-niń 346-baby boıynsha sottalǵan.
Sondaı-aq, qazirgi ýaqytta qylmystyq ister júrgizilip jatqan 12 adam OV-156/1 mekemesine (tergeý ızolıatoryna) qamaldy.
– Ishimdik iship, rólge otyrǵan adam óz ómirin ǵana qaterge tikpeıdi, ózgelerge de qaýip tóndiredi. Ishimdik ishpes buryn, osyny oılansańyzdar ǵoı. Aıta ketý kerek, bul qylmys úshin zań aldynda qatań jazalaý qarastyrylǵan, – deıdi OV-156/1 mekemesiniń arnaıy esep bóliminiń bastyǵy ádilet kapıtany J. Seıtqazınov.