Jerorta teńizinde sýǵa batyp bara jatqan qaıyqtan 26 mıgrant qutqaryldy. Operasııany Germanııanyń «Sı Ýotch» dep atalatyn qaıyrymdylyq uıymy júrgizgen, dep habarlaıdy Egemen.kz «Habar 24» arnasyna silteme jasap.
Osylaısha ótken aptadan beri eriktiler 450-ge jýyq bosqynnyń ómirin saqtap qalǵan. Taǵy ondaǵan kelimsek Italııanyń Sardınııa aralyna kómeksiz, óz kúshimen júzip jetken. Bosqyndar arasynda Aýǵanstan, Irak jáne Iran azamattary bar. Sondaı-aq kirmeler mingen birneshe qaıyq Italııanyń ekinshi bir araly Lampedýzaǵa bettegen. Italııalyq aqparat quraldarynyń habarlaýynsha, mıgrant júkti áıel týra jaǵaǵa jetkende bosanǵan.