Inder aýdanynyń ortalyǵy – Inderbor kentine kelgen qonaq jigit mekteptiń birine «bomba qoıyp» ketipti, dep habarlaıdy Egemen.kz.
Oblystyq polısııa departamenti baspasóz qyzmetiniń aqparatyna qaraǵanda, keshe, 3 tamyzda 102 operatoryna osyndaı habar berilgen.
«Polısııa qyzmetkerleri jedel izdestirý is-sharasyn júrgizip, kúdikti adamdy anyqtady. Inder aýdanynyń ortalyǵy – Inderbor kentine qonaqqa kelip, jalǵan aqparat bergen Batys Qazaqstan oblysynyń 1992 jyly týǵan turǵynyn ustady», dep habarlady departamenttiń baspasóz qyzmeti.
Qazir «bomba» týraly habarlaǵan kúdiktige qatysty QR Qylmystyq Kodeksiniń 273-babymen tergeý bastaldy. Kúdikti ýaqytsha ustaý ızolıatoryna qamaýǵa alyndy.