Shildede Ashyq baǵdarlamasy boıynsha jumys isteıtin kásipkerler burynǵydan 10 ese kóp karantın talabyn buzýshylardy anyqtady, dep habarlaıdy Egemen.kz.
Bul týraly QR Ulttyq kásipkerler palatasy «Atameken» basqarma tóraǵasynyń orynbasary óziniń Facebook paraqshasynda habarlady.
«Búkil el boıynsha 700-den astam iri saýda ortalyǵy men jabyq bazar Ashyq jobasyna qosylǵan. Eger ár saýda-oıyn-saýyq ortalyǵynda ortasha eseppen 300 jalǵa alýshy dep eseptesek (keıde odan 2 ese kóp bolady), jobanyń saýda obektilerin qamtý kólemi, shamamen, 200 myńnan asty. Shyn máninde, bir aıda «qyzyl» mártebesi bar karantındi buzýshylardyń sany táýligine 184-ten 1916-ǵa deıin ósti», dep jazady Iýlııa Iаkýpbaeva.
Avtordyń jazýynsha, Covid statýsty tekserý úshin úıden shyǵýdyń qajeti joq. Ashyq.kz saıtynan tekserýge bolady.
«Kún saıy 400 myńnan astam adam óz mártebesin tekseredi. Saıt arqyly kúnine «qyzyl» mártebesi bar 7700-den astam azamat tirkeledi», dep túsindirdi tóraǵa orynbasary.