QR Densaýlyq saqtaý mınıstrligi emdelýge beriletin birjolǵy zeınetaqy tólemderin paıdalaný erejesine ózgerister engiziletin buıryq jobasyn daıyndady, dep habarlaıdy Egemen.kz.
Atap aıtqanda, zeınetaqy qarajatyn em sharalaryna paıdalaný aıasyn keńeıtý josparlanyp otyr.
Buıryqtaǵy ózgerister men tolyqtyrýlar:
Ata-analarynyń, jaqyn týystarynyń nemese zańdy ókilderiniń zeınetaqy tólemderi esebinen balalardy emdeýge múmkindik berý; Zeınetaqy tólemderin shetelde emdelýge paıdalaný múmkindigi qarastyrylǵan; Emdeý boıynsha buryn keltirilgen shyǵyndardy óteýge paıdalaný.Sondaı-aq, zeınetaqy tólemderin jumsaýǵa bolatyn medısınalyq qyzmetterdiń tizbesi keńeıtilýde:
Ortopedııa (barlyq túrleri), ımplantasııa (barlyq kezeńderi), ortodontııa (barlyq túrleri, onyń ishinde alynbaıtyn konstrýksııalar); QR aýmaǵynda sanatorlyq-kýrorttyq emdeý; TMKKK sheńberinde nemese MMS júıesinde olardy júrgizý múmkin bolmaǵan jaǵdaıda gendik-ınjenerlik bıologııalyq terapııa; car-t-onkologııalyq aýrýlar kezindegi jasýshalyq terapııa; MMS kóleminen tys ekstrakorporaldyq uryqtandyrý.Alynǵan medısınalyq qyzmetter men satyp alynǵan dárilik zattar 2021 jyldyń 1 qańtarynan bastap paıda bolǵan qatynastarǵa taralady.
Qujat áli kúshine engen joq.