Sıfrlyq damý, ınnovasııalar jáne aeroǵarysh ónerkásibi mınıstrliginiń «Infrakos» basshysy Baıqońyrdan qara metaldy shyǵarǵany úshin para aldy. Bul jóninde QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bıgaıdarov málimdedi, dep habarlaıdy Egemen.kz.
Tergeýshi 2021 jylǵy 29 shildede Qyzylorda qalalyq sotynyń №2 úkimimen sıfrlyq damý, ınnovasııalar jáne aeroǵarysh ónerkásibi mınıstrligi Aeroǵarysh komıtetiniń «Infrakos» ShJQ RMK bas dırektory Irıýkov Kenjebek Sısenulyna QK-niń 366-baby (Para alý) boıynsha 17,6 mıllıon teńge mólsherinde aıyppul salynyp, memlekettik qyzmette qyzmet atqarýǵa ómir boıyna tyıym salyndy.
«Irıýkov Reseı Federasııasy jalǵa alǵan «Baıqońyr» ǵarysh aılaǵynyń alańynda ornalasqan «Infrakos» ShJQ RMK aýmaǵynan 200 tonna qara metaldy áketkeni úshin jeke kompanııa ókilinen jalpy somasy 600 myń teńge júıeli negizde para aldy degen kúdikke ilindi», dedi Danııar Bıgaıdarov.