Álemdegi baqytty elder reıtınginde Qazaqstan 149 el ishinde 45-orynǵa ıe boldy. El bir jyl ishinde pozısııasyn bes jolǵa jaqsartty, byltyr 50-orynda edi, dep jazady Egemen.kz Ranking.kz málimetine silteme jasap.
Sonymen qatar, TMD elderiniń ishinde О́zbekstan turǵyndary qazaqstandyqtarǵa qaraǵanda baqytty bolyp shyqty.
Al Moldova, Qyrǵyzstan, Belarýs, Reseı, Tájikstan, Armenııa, Ázirbaıjan, Túrkimenstan men Ýkraına Qazaqstannan keıin tur.
Álemdegi eń baqytty elder Fınlıandııa, Danııa jáne Shveısarııa dep ataldy. Tizim sońynda Aýǵanstan jazylǵan.
Reıtıng ár eldiń jan basyna shaqqandaǵy Jalpy ishki ónimine, memleket tarapynan bolatyn áleýmettik kómekke, densaýlyq saqtaý deńgeıine, saılaý erkindigine jáne qaıyrylymdyq isine, sondaı-aq, jemqorlyq deńgeıine baılanysty qurylǵan.