Aýyl sharýashylyǵy mınıstrligi qurǵaqshylyq pen mal azyǵynyń jetispeýshiliginen zardap shekken Mańǵystaý oblysynyń fermerlerine bir kúndik jalaqysyn aýdarady, dep habarlaıdy Egemen.kz.
«Men Mańǵystaý oblysynyń ákimdiginen arnaıy shot ashýdy suradym. Onda Qazaqstannyń barlyq beı-jaı qaramaıtyn azamattary men ujymdary qaıyrymdylyq retinde qarajat aýdara alady. Aýyl sharýashylyǵy mınıstrligi óziniń bir kúndik jalaqysyn Mańǵystaý oblysynyń muqtaj fermerlerine jáne jeke qosalqy sharýashylyqtaryna kómektesý úshin jiberýge sheshim qabyldady. Basqa uıymdar da bul sharadan tys qalmaıdy dep oılaımyn», dedi Aýyl sharýashylyǵy mınıstriniń mindetin atqarýshy Erbol Qarashókeev.
Ol qurǵaqshylyqtan zardap shekken aımaq basshylaryna qarajat jınaý, jemshóp pen dándi daqyldardy daıyndaý jumystaryn jandandyrýdy tapsyrdy.
Qarashókeevtiń aıtýynsha, Batys Qazaqstan oblysynda eriktiler 22 vagon shóp jınap jóneltken jáne jóneltýge taǵy 25 vagon daıyndaǵan. Pavlodar oblysynda 20-ǵa jýyq vagon jem jınalǵan. Almaty oblysynda 15 vagonǵa shóp tıelgen, taǵy 50-ge jýyq vagon tıelip, jóneltýge daıyn.
«Jergilikti ákimdik kómegi stansııalarda tıeý-túsirý jumystaryn uıymdastyrý barysynda jáne kómekke muqtajdar týraly aqparat jınaý kezinde qajet. Aımaqtaǵy kásipkerlermen kelisip, eriktiler jınaıtyn jemdi arzan baǵada tasymaldaýǵa qarjy tabaıyq», dep surady Aýyl sharýashylyǵy mınıstriniń m.a.