Nura aýdanyndaǵy asa iri sharýashylyqtyń biri – «Qaınar» JShS mal azyǵyn daıyndaý jumystaryn sátti aıaqtady. Qorasy shópke tolǵan qojalyq artylǵanyn aınalasyndaǵy aýyl turǵyndaryna bólip bergen. Bul sharýashylyq bıyl 2 800 tonna shóp daıyndap, byltyrǵy kórsetkishten 400 tonnaǵa asyp túsken eken.
Qazirgi ýaqytta aýdandaǵy «Jaraspaı» sharýashylyǵynda shóp shabý, jınaý jumystary qyzý júrip jatyr. Búginge deıin 330 tonna shóp daıyndalǵan. Sharýashylyq basshylary bıyl aýyl turǵyndarynyń jem-shópten tarylmaıtynyn aıtady. О́ıtkeni agrofırma jyl saıyn 13,5 myń gektar alqapta dándi daqyldar daıyndap, olardy tórt birdeı astyq qoımasynda saqtaıdy. Tehnıkanyń jóndemdi bolǵanyna da basa mańyz beriledi: sharýashylyqta mashına-traktor parki únemi jańartylyp otyrady.
Jalpy alǵanda, bıyl Nura aýdany boıynsha 156 myń tonna shóp daıyndalǵan. Al jospardaǵy meje – 200 myń tonna. Aýdanda shóp daıyndaý jumystaryn 20 tamyzǵa deıin aıaqtaý josparlanǵan.
Shóp shabý naýqanyna aýdandaǵy «Prjevalskoe» JShS de úlken daıyndyqpen keldi. Jumysty uıymdastyra bilýdiń jáne der kezinde qabyldanǵan sharalardyń arqasynda sharýashylyq 900 tonna shóp daıyndady. Egis dalasyndaǵy jaǵdaı da jaman emes.
Egis demekshi, bıylǵy qýańshylyqqa qaramastan, «Qaınar» JShS alqaptaryndaǵy eginniń bitimi jaman emes. Sharýashylyq dırektory Seıitjapar Nyǵmetov munyń mıneraldy tyńaıtqyshtardy qoldaný men joǵary ónimdi tuqymdardy paıdalanýdyń arqasynda múmkin bolǵanyn aıtady. Osy jyly kompanııa alty astyq jınaıtyn kombaın men sonsha jem-shóp jınaıtyn destelegishter, soqalar satyp aldy. Agrarshylar egin ótken jyldyń deńgeıinen tómen bolmaıdy degen úmittiń ústinde otyr.
Aýdandaǵy eginniń bitik shyǵýyna Grıgorıı Prokop jetekshilik etetin «Shahterskoe» elıtalyq tuqym ósirý sharýashylyǵy súbeli úles qosyp keledi. Qazirgi ýaqytta kásiporynnyń kúshimen 15 myń tonnaǵa arnalǵan qosymsha saqtaý syıymdylyqtarynyń qurylysy júrip jatyr. Búginde sharýashylyq ıeliginde 12 astyq jáne alty kartop qoımasy jumys istep tur. Jyl basynan beri sharýashylyqty damytýǵa salynǵan qarajattyń jalpy somasy 2 mlrd teńgeden asqan. Budan bólek, agrarlyq kásiporyn tehnıka túrlerin de jyl saıyn jańartyp otyrady. Mysaly, osydan bir aı buryn dándi daqyldardy ýaqtyly jınaý úshin otandyq óndiristegi 8 astyq jınaıtyn kombaın satyp alyndy.
Jalpy, Nura aýdany boıynsha egin oraǵyna 15 tamyzda túsý, al jappaı egin jınaýǵa 1 qyrkúıekten bastap kirisý josparlanǵan.
Qaraǵandy oblysy,
Nura aýdany