Rýdnyı polıseıleri kóshege patrýl júrgizý kezinde aıaldamada es-tússiz jatqan júkti kelinshekti baıqaǵan. Maqsut Dosybaev pen Oljas Batyrhanov júktiliktiń sońǵy aıyndaǵy kelinshekke ile-shala kómek kórsetip, birden jedel járdem shaqyrǵan, dep jazady Egemen.kz Tengrinews.kz málimetine silteme jasap.
«Jedel járdem shaqyrǵanymyzben, olardy kúte almaıtynymyzdy bildik. Sebebi, bul oqıǵada bir emes eki adamnyń ómirine qaýip tónip turdy. Sondyqtan kelinshekti perzenthanaǵa ózimiz tez arada jetkizemiz dep uıǵardyq. Jol boıy kezekshi bólimmen baılanysqa shyqtyq. Jedel naýqastyń aýrýhanaǵa jetkiziletini týraly habarlama jiberildi», deıdi polısııa kapıtany Maqsut Dosybaev.
36 jastaǵy kelinshek júktiliktiń jetinshi aıynda bolǵan. Dárigerlerdiń aıtýynsha, Indıra Amıreevanyń densaýlyǵyna aýa-raıynyń ystyq bolýy qolaısyz áser etip esinen tanyp qalǵan. Jedel áreket etip, dereý medısınalyq mekemege jetkizgen polıseılerdiń arqasynda qaýip artta qalǵan.