Ata-anasy koronavırýs juqtyrǵan nemese naýqastarmen baılanysta bolǵan balalar oqý oryndaryna bara almaıdy. Olar úshin qashyqtyqtan oqytý uıymdastyrylady. Bul týraly Bilim jáne ǵylym mınıstri Ashat Aımaǵambetov Instagram-nyń tikeleı efırinde habarlady, dep jazady Egemen.kz.
«Eger ózi aýyratyn nemese otbasynda aýyratyn adam anyqtalsa, ol bala mektep ǵımaratyna jiberilmeıdi.
Biz úshin balalardy qaýip-qaterden qorǵaý mańyzdy. Eger stýdenttiń nemese oqýshynyń ata-anasy aýyryp qalsa nemese naýqastarmen baılanysta bolsa, biz oqýshynyń aýyrmaıtynyna kepildik bere almaımyz. Bul jaǵdaıda qabyldanǵan sheshim oryndy dep oılaımyn», dedi mınıstr jýrnalıstiń suraqtaryna jaýap bere otyryp.
Mınıstr bul shekteýlerdiń ýaqytsha bolatynyn aıtty. Ashyq qosymshasynyń mártebesi ózgergennen keıin mundaı oqýshylar mektepke nemese ýnıversıtetke oralady.
«Bizdiń mektepter de qazir daıyndalýda, olar úshin merzimdi túrde onlaın oqytýdy uıymdastyrý qajet», dep túsindirdi Aımaǵambetov.