QR SIM Tutynýshylardyń quqyqtaryn qorǵaý Komıtetiniń tóraǵasy Almaz Ábjapparov qazaqstandyqtardyń 2021 jylǵy shaǵymdary týraly aıtty, dep habarlaıdy Egemen.kz.
«Tutynýshylardy qorǵaý jeke jáne qoǵamdyq quqyqtyń ártúrli salalaryna ǵana emes, sonymen qatar qazirgi qoǵamnyń ekonomıkalyq, áleýmettik jáne basqa da aspektilerine qatysty keshendi áleýmettik másele bolyp sanalady. Kelip túsken ótinishterdi taldaý boıynsha: aǵymdaǵy jyldyń 6 aıynda Komıtetke 8164 ótinish kelip tústi, bul 2020 jyldyń uqsas kezeńinde 2477-ge artyq. Osylaısha, ósim qarqyny 144%-dy qurady», dedi Almaz Ábjapparov vedomstvonyń alqa otyrysynda.
Onyń aıtýynsha, kelip túsken ótinishterdiń 2836-y qanaǵattandyrylsa, 585-i qaıta joldandy, 4592 ótinish boıynsha túsinikteme berildi, 21-i tutynýshylardyń ótinishi negizinde toqtatyldy, 122-I kelesi toqsanǵa kóshti jáne 8-i boıynsha talap-aryz jumysy júrgizildi.
«Tutynýshylardy jyldan-jylǵa qaıtalanatyn máseleler mazalaıtynyna, eldegi epıdemıologııalyq jaǵdaı halyqtyń basymdyqtary men ómirlik múddelerin ózgertkenine nazar aýdarý qajet. Eń problemalyq sala bólshek saýda bolyp tabylady, ol ótinishterdiń 49%-yn quraıdy. 2020 jyly 29%-dy qurap, ósý qarqyny 169%-dy kórsetti», dep atap ótti spıker.