Búgin óńirlik kommýnıkasııalar qyzmetiniń alańynda Jambyl oblysy boıynsha sanıtarııalyq-epıdemıologııalyq baqylaý departamenti basshysynyń orynbasary Baǵlan Qydyrbaev brıfıng ótkizip, qazirgi kezde óńirde 2259 naýqastyń aýrýhanaǵa jatqyzylǵanyn, aımaqta aýrýhanalardyń tósek-orynmen qamtylýy 63 paıyzdy quraǵanyn atap ótti, dep habarlaıdy Egemen.kz.
Baǵlan Qydyrbaevtyń aıtýynsha aýrýdyń joǵary deńgeıi oblystyń barlyq qalalary men aýdandarynda da baıqalady.
«2021 jyldyń 1 qańtarynan bastap monıtorıngtik toptardyń músheleri zań buzýshylyqtary bar 836 nysandy anyqtady. Nysandardyń barlyq basshylarymen túsindirý jumystary júrgizildi, eskertýler berildi. Tekserý materıaldary men monıtorıngtik toptar sanıtarlyq-epıdemıologııalyq qyzmetke bergen materıaldar negizinde 83 mıllıon teńgeden astam somaǵa 705 aıyppul salyndy», dedi Baǵlan Qydyrbaev.
Búgingi kúnge deıin Jambyl oblysynyń 71 kásipkerlik nysandarynda karantındik sharalardy qasaqana buzý faktileri anyqtalǵan. Tekserý nátıjeleri boıynsha jalpy somasy 59 mıllıon teńgeden asatyn aıyppul salýmen 262 tulǵa ákimshilik jaýapkershilikke tartylǵan.
Negizgi quqyq buzýshy nysandardyń sandyq statıstıkasy boıynsha, 64 qoǵamdyq tamaqtaný sýbektileri ıaǵnı, meıramhanalar, kafeler, banket zaldary, kafe-barlar bar. Sondaı-aq 3 kompıýterlik klýb, 2 saýda nysany, 1 loto klýby jáne 1 balalar oıyn-saýyq ortalyǵy da tizimde.