Pavlodarskoe aýylynyń mańynda Ertis ózenine batyp ketken er adamnyń denesi tabyldy, dep habarlaıdy Egemen.kz Pavlodarnews.kz saıtyna silteme jasap.
«12 tamyzda saǵat 13-41-de Pavlodarskoe aýylynda Ertis ózeniniń saǵasynan er adamnyń denesi tabylyp, jedel atqarý jasaǵynyń kúshimen sýdan shyǵaryldy», dedi oblystyq tótenshe jaǵdaılar departamentiniń baspasóz qyzmetinde.
Eske sala ketsek, Pavlodar oblysynda demalys kúnderi úsh adam sýǵa batyp ketken. Qaıǵyly oqıǵalar shomylýǵa arnalmaǵan jerlerde oryn aldy. 8 tamyz kúni saǵat 17:20-da Shaýken aýylynyń mańyndaǵy sorǵy stansııasynyń janynda shomylǵan Efremovka aýylynyń 30 jastaǵy turǵyny sýǵa batyp ketken.
Taǵy bir qaıǵyly jaǵdaı Maı aýdanynda oryn aldy. Munda 7 tamyz kúni Belaıa ózeninde Baskól aýylynda 44 jastaǵy Aqsý turǵyny sýǵa batty.
Sol kúni Sharbaqty aýdanynda Shaldaı aýylynyń janyndaǵy jasandy sý qoımasynda 42 jastaǵy aýyl turǵyny ajal qushty.