«Qazhromnyń» quramyndaǵy Aqtóbe ferroqorytpa zaýytynyń tórtinshi balqytý sehynda zamanaýı aspırasııalyq jabdyqtardy ornatý jumystary aıaqtaldy. Jańa júıe shań-tozańdy jınap alady. Keıin odan arnaıy brıketter jasalady. Osylaısha, qaldyqtyń ózi kádege jaratylyp, óndiriske keri qaıtarylady.
ERG-diń ekologııalyq strategııasy aıasynda Aqtóbe ferroqorytpa zaýyty jańa 63 aspırasııalyq-tehnıkalyq qondyrǵy ornatý jáne 4 shań ustaý júıesin qaıta jasaqtaý jobasyn júzege asyryp jatyr. Nemistiń sapaly jańa jabdyǵy shańdy barynsha tııanaqty tazalaıtyn kórinedi. Iаǵnı jańa qondyrǵylar burynǵydan áldeqaıda kúshti ári tıimdi. Buǵan deıingi shańdy qarmaý kórsetkishteri jylyna 28 myń tonnany qurasa, jańa súzgilerdiń qýaty jylyna 40 myń tonnaǵa deıin jetedi. Jalpy atalǵan ekologııalyq jobaǵa kompanııa 740 mln teńgeden asa qarajat jumsaǵan.
– Bul joba – zaýyttyń súzgi júıesin jańǵyrtý, qorshaǵan ortany qorǵaý jáne óndiris qaldyqtaryn qaıta óńdeý kólemin ulǵaıtýǵa baǵyttalǵan kezekti qadamy. Biz óndiriske tek úzdik tehnologııalardy kezeń-kezeńmen engizip kelemiz. Qala turǵyndary da alańdaýly. Bárin túsinemiz. Sondyqtan jumystyń barysy týraly habarlap otyramyz. Jabdyqtar óte tıimdi ári senimdi. Ony paıdalaný da qarapaıym, – deıdi Aqtóbe ferroqorytpa zaýytynyń dırektory Jalǵas Musabekov.
Onyń aıtýynsha, qurylǵy halyqaralyq sapa sertıfıkatyna ıe jáne qorshaǵan ortany qorǵaý men aýany lastamaý jónindegi eýropalyq talaptarǵa saı keledi. Jańa súzgiler qaldyq tozańy shekti ruqsat etilgen konsentrasııanyń 30 paıyzynan kem bolatyn qatty bólshekterdi ustap qalýǵa qaýqarly. Budan bólek, qajetsiz materıaldy saqtaý máselesi de sheshiledi. Ázirlengen baǵdarlamaǵa sáıkes, jańa jabdyq qarmap qalǵan barlyq shań-tozań breks óndiretin arnaıy ýchaskege jiberiledi. Nátıjesinde, óndiriske jaramdy jańa materıal alynbaq. Mańyzdysy, endi aspırasııalyq jabdyq sehtaǵy jumysshylardyń eńbek jaǵdaıyn jaqsartyp, sýsymaly materıaldy tasymaldaý kezinde aýany búldirmeıtin boldy.
Kúrdeli ekonomıkalyq kezeńge qaramastan, «Qazhrom» ekologııalyq is-sharalarǵa jumsalatyn shyǵyndardy qysqartpaǵanyn bilemiz. Kerisinshe, somany barynsha arttyrdy. Máselen, 2020 jyly «Qazhromnyń» barlyq fılıaly qorshaǵan ortaǵa keri áserdi tómendetetin is-sharalarǵa 20 mlrd teńgeden asa qarajat jumsaǵan. Kompanııa Eýropa men Reseıdiń tájirıbesine súıene otyryp, 2030 jylǵa deıin eń ozyq qoljetimdi tehnologııalardy engizý baǵdarlamasyn ázirlegen. Ony júzege asyrý úshin shamamen 48 mlrd teńge jumsalmaq. Qatty qaldyqtardyń shyǵaryndylary 40 paıyzǵa azaıady dep kútilýde.
– Kompanııa qorshaǵan ortaǵa jaýapkershilikpen qaraıdy. Buǵan kompanııanyń ekologııalyq aksııalary men baǵdarlamalary dálel. Qazir Aqtóbe zaýytynyń birinshi jáne ekinshi balqytý sehtaryn jańǵyrtý jáne qaıta qurý jobasy qolǵa alyndy. Munyń nátıjesinde atmosferaǵa degen keri yqpal kúrt azaıady. Sonymen qatar qaldyqtardy óńdeýge basa nazar aýdaramyz. Eýrazııalyq toptyń ishinen ERG Recycling kompanııasy quryldy. Ol kásiporyn óndirisiniń qaldyqtaryn óńdeýge baǵdarlanǵan. Byltyr Aqtóbe ferroqorytpa zaýytynda gaz tazalaý qurylǵysy qarmaǵan shańnan brıket jasaý sehy iske qosyldy. Budan bólek, jylyna turaqtalǵan jáne qabyrshyq qojdyń 200 myń tonnasy qaıta óńdeledi. Zaýyt úshinshi jyl qatarynan tazartylǵan ferrohromnan bólingen qojdy óńdep jatyr, – deıdi «Qazhrom» transulttyq kompanııasynyń bas ekology Svetlana Mashenko.