Taıaýda Qostanaı oblystyq arhıvin aqtaryp otyryp, mynadaı bir qyzyq derekke tap boldyq. Torǵaı ýezdik bolshevıkter komıtetiniń 1922 jylǵy qujattarynyń ishinde Musa Ahmedov degen kisiniń aryzy men qysqasha ómirbaıany saqtalyp qalypty. Aryz ıesi ózin RKP(b) qataryna alý týraly ótinish bildiredi. Mundaı ótinishti bir emes, birneshe ret jazǵan.
Partııaǵa úmitker ómirbaıanynda óziniń Túrkııada bilim alǵanyn aıtady. Ýfa gýbernııasynanmyn degenine qaraǵanda, Musa Ahmedovtiń ulty bashqurt bolýy kerek. Ol óziniń «1914 jyly Petropavl qalasyna kelgen soń, súzek juqtyryp, aýyryp qalǵanyn, keıin «ózimen birge kelgen qazaq joldastar dalaǵa alyp ketkenin, sodan keıin biraz ýaqyt Torǵaı ýezine turaqtap qalǵanyn» jazady.
Bizge qyzyq kóringeni – M.Ahmedovtiń qasyndaǵy qazaq joldastar. Olardy Torǵaı óńirinen shyqqan oqyǵandar dep joramaldadyq. Bul kisiler sonda Musamen birge Túrkııada oqyǵan bolyp tur ma? Olaı bolsa, ol jaqta bularmen birge bilim alǵan ózge qazaq oqyǵandary da bolýy múmkin ǵoı.
Bul «Jalpy HH ǵasyrdyń basynda Túrki memleketi men Qazaq dalasynyń arasyndaǵy oqý-bilim salasyndaǵy qatynas, saıası baılanys qandaı dárejede boldy? Túrkııada bilim alǵan qazaq oqyǵandary qansha? Olardyń taǵdyr-talaıy qalaı boldy eken?» degen oıǵa jeteleıdi. Izdenip kórýge turarlyq másele sııaqty.
Bizge beımálim Musa Ahmedovtiń óz qolymen jazǵan aryzy men qysqasha ómirbaıany:
Qostanaı oblysy