AQSh Prezıdenti Djo Baıden Aýǵanstannan kelgen bosqyndarǵa kómek kórsetý úshin 500 mıllıon dollarǵa deıin qarajat bólýdi buıyrdy, dep habarlaıdy Egemen.kz.
Bul týraly Aq úı saıtynda jarııalanǵan memorandýmda aıtylǵan.
Qujatta qarajat Aýǵanstandaǵy jaǵdaıǵa baılanysty táýekelge ushyraǵan «bosqyndardyń, janjal qurbandarynyń jáne basqalardyń shuǵyl qajettilikterin qanaǵattandyrýǵa» baǵyttalýy tıis delingen.
Shyǵyndardy bosqyndar men qonys aýdarýshylarǵa jedel kómek kórsetý memlekettik qory tóleıdi. Sonymen qatar AQSh-tyń arnaıy ımmıgrasııalyq vızasyn alýǵa úmitker azamattarǵa kómek kórsetý josparlanǵan, dep habarlaıdy REN.tv.
Buǵan deıin Baıden AQSh áskerlerine kómektesken Aýǵanstan azamattaryn evakýasııalaý úshin 100 mıllıon dollarǵa deıin qarajat bólýdi buıyrǵan.
Eske salaıyq, Amerıkanyń Memlekettik hatshysy AQSh Aýǵanstandaǵy maqsatyna qol jetkizgenin aıtqan bolatyn.